الفلافل السورية المقرمشة طعممم سوبر يميي

المقادير

• 1كيلو حمص.
• حزمة كزبرة خضراء.
• 1 بصلة كبيرة.
• 20 فص ثوم.
• ملح حسب الرغبة والحاجة.
• 2 ملعقة كبيرة كزبرة يابسة يعني دقة فلافل..
• 1 ملعقة صغيرة كربولة أي( كربونات الصوديوم)مشان ينفش القرص.
• رشة ماء.

الخطوات

ينقع الحمص مدة 24 ساعة

وبعدها يغسل ويفرم عالمكنة عالشفرة الوسط ثلثين كمية الحمص

مع البصل والتوم و الكزبرة الخضراء.

أما الثلث الآخر من الحمص يفرم عالشفرة الناعمة لكي نضمن هشاشة للفلافل لاتقاوم.

تدعك باليد جميع المقادير ثم نضيف لها

البهارات التالية:

ملح وكزبرة يابسة وكربولة

نضع رشة ماء للتتبيلة لكي يسهل عليك نزول القرص من قالب الفلافل

نحمي الزيت ونشكل أقراص فلافل بلقالب

وأثناء القلي نتحكم بالنار نوطي شوي

بعدها نعلي شوي..وتقدم وصحة وهناا…

ملاحظات هامة

☆ حتى تطلع معك فلافل مقرمشة ومستوية من براتها وجواتها لازم ننتبه على طريقة القلي .

☆ لازم تكون حرارة الزيت عالية بس مو لدرجة انو يستوو ويتقمرو من غير استواء.

☆ ولازم تتحكمي بالنار يعني كل ماتنزلي وجبة نوصي النار نتفة وبعد شي 3 دقائق ردي قوي النارة وهيك بيطلعوا مقرمشين ومستويين..

☆ تقدم مع المخلل والبندورة والنعنع والليمون واللبن والطحينية..