الهاربه
الهاربه بقلم هلا الغرابلي
الجزء الاول:
ديانا : امي شو قلتي ؟
ام ديانا:لااا يعني لاااا
ديانا :ليش لا كل شي عندك لا ،هو يوم واحد بس
ام ديانا :لا بلكي صار معكن شي ،و هاي المنطقة بعيدة و انا ما كتير بعرفها
ديانا :منطقة عادية ،برية و شجر ، ما رح نخيم فيها ،رح نقضي نهار واحد بس و بعدين كلنا تقريبا شي 5بنات و كل اهالين وافقو الا انت
ام ديانا :ابوكي عرف لوين رايحة ؟
ديانا :لا ما قلتلو اسم المنطقة لانو ما بعرفا بس بعيدة من هون شي 3ساعات هلا بسال لبنى عن اسما هي بتعرفا
ام ديانا : اخ بس …انت وضعك غير وضع رفقاتك
ديانا :لسا كل شوي وضعي غير.. وضعي غير ،ما فيني شي و رح اخد ادويتي معي و لبنى بتعرف تضرب ابر و بعدين فرصة لغير جو
ام ديانا : …..
ديانا :الله يخليكي هو يوم واحد ،خليني روح انبسط
ام ديانا :بشو رايحين ؟
ديانا :بسيارة لبنى ،سيارتا رنج روفر و خرج هيك مناطق …شو قلتي؟
ام ديانا :طيب يوم واحد بس و ضلي حكيني على الموبايل و ديري بالك على حالك
ديانا :ماشي يا احلى ام
بستا بوسة من خدا و طلعت ركض على غرفتي و حكيت رفقاتي و قلتلن انو امي وافقت روح معكن ،و بعدين فتحت خزانتي و بلشت ضب بالشنتاية شو ممكن يلزمني اغراض من عطور و مكياج و تياب لانو كنا ناوين نام ليلة هنيك لنعيش مغامرة بس ما خبرت امي لانو اذا رح تعرف اني رح نام بغابة على الجبل ما رح تخليني ،تاني يوم الصبح فقت الساعة 8الصبح ،و نزلت من البيت شوي شوي بس حست علي امي ، بوستا و طلعت وقفت برا البيت لاجت رفيقتي لبنى بسيارتا و معا رفقاتي دانية و ريتا و نور،كانو مشغلين الاغاني و عم يغنو و يضحكو ،طلعت انا من ورا و دحشت حالي جنبن نحن و عم نضحك و تابعنا طريقنا ،بعد 3ساعات وصلنا و نزلنا و جبنا اغراضنا من السيارة و فتحنا الخيم ،و قعدنا فطرنا و ضحكنا و لعبنا مضارب و شدة و وقت جينا نلعب لعبة الصراحة
نور: لعندك لبنى ،شو صار باخر عريس اجاكي؟
لبنى:….مات
ريتا:مات الا طفش بس شافك ههههه
دانية:ريتا شبك
ريتا:خلص سكتت
لبنى:عندك ديانا ….
ديانا:اسالي لنشوف ست لبنى
لبنى :بعدك بتحبيه لفادي؟
اطلعو فيها البنات هن و مستغربين من طرحا لسؤال بيزعجني
نور:ما اغلظك يا لبنى
ديانا:عادي نور …لا ما بقا بحبو
لبنى: سمعت انو مرتو حامل
ديانا :ما بعرف و ما بهمني
ريتا: اييه شو رايكن نقوم نتمشى و نسكتشف المنطقة و بلا هاللعبة السخيفة ؟
نور:اي منروح حبيت
دانية:بس ما بدنا نبعد كتير
لبنى:لا خلص ما تخافو انا حافظتا لهل المنطقة متل اسمي ما بضيعو، الا اذا عذبتوني بدي ضيعكن و ارجع لحالي ههههههه
الجزء التاني :
لبني:يلا قومي ديانا
ديانا :قايمة بس بدي جيب ادويتي معي بخاف يصير معي شي
لبنى: طيب ، يلا بسرعة جيبو موبايلاتكن معكن لنتصور
جبت موبايلي و فتحتو لابعت مسج لامي بس ما لقيت تغطية ابدا ،بس بعتلا مسج انو انا مبسوطة كتير و نسيت اكتبلا اسم المنطقة يلي انا فيها ،و قلت بس تجي الاشارة بتوصلا ،طلعنا من المنطقة يلي عم نخيم فيا و تابعنا طريقنا بالغاب نحن و عم نغني ييييي يا سهر الليالي ييييييي يا حلو على بالي
لبنى:كانو شفت شي عم يتحرك هنيك
نور:ولييي مشو نرجع
لبنى :ههههههههه ما اجبنكن
قربت لبنى على دانية و مشيو جنب بعض و صارو يحكو بصوت واطي
لبنى :شو رايكن نلعب
نور:شو بدنا نلعب حاسة حالي متل اولاد صغارهههه
لبنى:لعبة الغميضة
ريتا: هههههه ما اصغر عقلك با لبنى
دانية :انا عجبتني الفكرة و خلي ديانا هي يلي طب راسا على الشجرة و نحن منتخبى شو قلتي ديانا ؟
ديانا:اوك ماشي بس ما تبعدو
لبنى:لا ابدا
طبيت راسي على الشجرة و بلشت عد ،عديت للمية و بعدين برمت ضهري و ما شفت حدا ،صرت دور علين ورا الشجر يلي حولي و ما شفت ولا حدة فين ،تابعت طريقي لقدامي انا و عم دور كمان ما لقيت حدا ،دب الرعب بقلبي و خفت ،صرت ناديلن وحدة وحدة و ما كان حدا يرد علي ،
ديانا : لبنى
…ريتا ….دانية …نور …اطلعو بلا غلاظة بطل بدي العب
قلت يمكن عم يعملو فيني مقلب من مقالب لبنى و رجعو على المخيم ،قررت ارجع للمنطقة يلي كل اغراضنا فيها ، مشيت بالغابة نص ساعة و ما كنت اوصل لمحل التخييم ،وقفت بنص الغابة انا و عم ابكي و نادي لرفقاتي ،انا ضيعت الطريق ،ضعت بغابة كبيرة و بلشت تعتم الدنيا و بلش الطقس يبرد و انا بعدني عم امشي و ما عارفة حالي لوين رايحة ،انا و ماشية سمعت صوت ناس عم تحكي من بعيد ،فرحت كتير و اخيرا لقيت رفقاتي ،ركضت باتجاه الصوت و وقت وصلت ما شفت رفقاتي ،شفت شي تاني مختلف،شفت سيارات فان سودا و رجال لابسة اسود و ماسكة بايديها شناتي سود و سلاح و كأنو عصابة و في شخصين ماسكين شاب كل واحد من جهة و شخص تاني ماسك مسدس و مصوبو باتجاه الشاب و كان عم يقلو انت خنت الاتفاق و قوصو بالمسدس 3طلقات ،انا شفت هالمنظر و قلبي بلش يدق بسرعة و بلشت ابكي و حطيت ايدي على تمي حتى ما حدا يسمع صوتي و ما عرفت شو اعمل اركض الا ضل واقفة بمحلي بعد ما شفت قدامي جريمة قتل و شاب ارتمى على الارض ميت ،و لسوء حظي طلع صوت من موبايلي بانو الرسالة تم تسليما لامي ،فتحت موبايلي فورا لحطو صامت،بس الرجال يلي كانت واقفة سمعو صوت موبايلي و لمحو ضوه بالعتمة و صرخ واحد فين (في حدا ورا هديك الشجرة شاف و صور )،و قلو التاني (جيبوه فورا)،كنت انا المقصودة ، ركضو باتجاهي شابين و انا وقت شفتن ، بلشت اركض باتجاه الغابة بطلوع لانو الغابة كانت على سفح جبل انا و عم ابكي من المصايب يلي وقعت فيها ،بقيت اركض و الهت و اخد نفسي بصعوبة لشفت شجرة مفتوحة ما بتسع الا لشخص واحد و بحكم انا ناعمة فتت فيها فورا و حطيت ايدي على تمي حتى ما ينسمع صوت نفسي و بكاي ،بعد شوي وصلو الشابين يلي كانو عم يلحقوني ،و تابعوطريقن و انا بقيت بمحلي واقفة و فتحت كيس ادويتي و طلت منو ابرة بحال انكشف امري لدافع عن حالي بهالطريقة ،بعد ربع ساعة رجعو و هن عم يحكو مع بعض
الاول:وين بدو يكون راح ؟ الغابة كتير كبيرة اذا بدنا نمشطا كلها بدنا يومين
التاني:ولله المعلم بموتنا اذا رجعنا و قلنالو ما لقيناه بتعرف بحب يشتغل و ما يترك اثر وراه
الاول:معقول يكون مبعوت من ابو قاسم ليصورنا
التاني: شو بدو يعرفو ابو قاسم بموعد التسليم
الاول :مشي نرجع عندو و نقلو
تابعو طريقن لمحل تجمعن لفوق و انا بقيت واقفة بمحلي و بعد ما بعدو بلشت ابكي بصوت عالي ،و طلعت من محلي و تابعت بالاتجاه المعاكس و وقعت اكتر من مرة انا و عم اركض،بقيت نص ساعة انا و امشي و اركض لدرجة فقدت الامل لاقي مخرج من الشي يلي انا فيه حتى لقيت بيت خشبي شفتو و كانو شفت الجنة ،البيت الوحيد يلي موجود بهالغابة الكبيرة ،ركضت و دقيت الباب انا و عم ابكي و عم اعرق و ارجف و على شوي رح اوقع بالارض
ديانا: دخيل الله افتحولي ..اذا بتريدو …
الجزء التالت:
و اول ما انفتح الباب و شفت صاحب البيت ،غبت عن الوعي و ما بقا حسيت بشي لبعد ساعتين او تلاتة او اكتر ،كنت خارج الوقت ،اول ما فتحت عيوني ،شفت رجال قاعد قبالي على كرسي هزاز و كانو غلبو النوم ،بس كان منظرو غريب ، كانت بشرتو كتير حمرا و كانو محروق من قبل حتى ايديه كانو نفس الشي ،و كانو شعرو و حواجبو و رموشو اول ما عم يرجعو يطلعو ،كان شكلو غريب متل هاليوم الغريب يلي بلش بضحك و لعب و انتهى بكارثة ،اطلعت بديكور البيت يلي كان بسيط كتير و كلو من خشب ،و طلعت على الطاولة يلي كانت جنب التخت يلي انا نايمة عليه ،و شفت حقنة فاضية و عرفت انو هالشخص عرف وضعي فورا و اعطاني ابرة ،قمت جلست على التخت و ضربت ايدي بالغلط بكاسة المي و وقعت و انكسرت ،فاق على صوت الكاسة و انا تلبكت كتير
ديانا : بعتذر كتير ما انتبهت
…..ولايهمك هلأ انا بقيما خليكي مرتاحة..
ديانا :لا انا منيحة
قمت من التخت للم ازاز الكاسة و هو ساعدني ،كنت خايفة منو ،و حاطة راسي بالارض ،لميت الازاز و اعطيتو اياهن ،كبن بالزبالة و رجع كنس الباقي
…..شو اسمك انت؟
ديانا:انا اسمي ديانا و انت ؟
…..انا اسمي عدي
ديانا :تشرفنا انا بتشكرك كتير لانو…
عدي:انت شو جابك لهيك منطقة ؟
ديانا:انا جيت انا و رفقاتي رحلة لهون و بعدين طلعنا نتمشى و انا ضعت عنن …
و انا عم احكي معو ،اندق باب بيتو بقوة ،طلع من غرفة من النوم و كان رايح ليفتح الباب ، قمت وقفت انا و متوترة و لحقتو قبل ما يوصل و وقفت قبالو
ديانا: ما تفتح الله يخليك هدول جاين ياخدوني و يقتلوني ،خبيني عندك
عدي:شبك ..ليش بدن يقتلوكي ؟
ديانا :قصة طويلة بحكيلك اياها بعدين بس خبيني بالاول و ما تقول اني جيت لعندك
عدي :طيب تعي
رفع السجادة يلي كانت بارض المطبخ ،و بعدين رفع لوح خشب و قلي انزلي لتحت على القبو ،نزلت على السلم فورا لتحت و كان القبو متل البيت صالون و مطبخ ،طبق اللوح و رجع السجادة و راح يفتح
عدي:خير شبكن عم تخبطو على الباب هيك بهالوقت
الاول :بعد من وجهنا هيك
عدي:لوين فايتين هيك ؟
الاول: نحن شرطة في مجرم عم ندور عليه و هربان مننا و احتمال يكون متخبي عندك
عدي:ما عندي حدا انا ساكن لحالي ، ممكن تفرجوني اثباتات انكن شرطة
الاول :ليش ما مبين علينا ؟
عدي:لا ما مبين
التاني:اي نحن جاين بمهمة خاصة و متخفين …..فتشوا جوا بهالغرفة ….
الاول : مالقيتو شي ….طيب ….على كل حال نحن بدنا نضل وراه لنلقطو و ما رح نطلع من هالغابة قبل ما نكمشو
كنت قاعدة تحت بالقبو و عم اسمع صوتن و صوت دعساتن ،كنت خايفة يعرفو انو في قبو تحت البيت ،بعد تلت ساعة من التفتيش طلعو من البيت و بعد ربع ساعة رفع الباب عدي
عدي:اطلعي راحو
ديانا :لحمدلله
عدي:شو بدن منك؟
ديانا :بدن يقتلوني ،انا بعد ما ضعت عن رفقاتي ،كنت ماشية بالغابة للاقي المحل يلي خيمنا فيه و شفتن بالغلط عم يقتلو شاب و لمحوني اني شفتن و فكروني صورتن فيديو بموبايلي لهيك بدن اياني
عدي:ايوااا …هاي عصابة معناتا شو كانو عم يعملو و ليش قتلوه للشب؟
ديانا : ما بعرف كانو ماسكين شناتي سودا و فتحون على السيارات شنتاية فيها مصاري و التانية فيها اكياس بيضا ما عرفت شو هي
عدي:اممم هاي مخدرات
ديانا :مخدرات !اه صح كيف ما خطرلي تكون مخدرات ، الله يخليك ساعدني انا لازم ارجع لعند اهلي اول ما يطلع الضو
عدي:شي ساعة رح يطلع الضو و بعدين الطريق لنص البلد 3 ساعااات و اكتر بالسيارة و انا ما بقدر نزلك على البلد بس في رفيقي بيجي عندي زيارة مرة بالشهر بجبلي اغراض للبيت و فيكي ترجعي معو بس يجي
ديانا :لا مستحيل كتير رح طول هيك ،ما بقدر اهلي بجنو علي ،طيب ايمت رفيقك رح يجي ؟
عدي:كان عندي من اسبوعين يعني لسا اسبوعين بيجي ؟
ديانا :اسبوعين!!!!!
عدي:ما بعرف شو بدي قلك ما في قدامك الا انك تنطريه او اذا بلغو رفقاتك عنك و اجت الشرطة لدور عليكي و لقتك عندي بهالحالة ما بتقعدي كل هالمدة
ديانا :طيب بدقلن و هن بيجو بياخدوني
عدي:ما في تغطية هون
ديانا :يا ربي شو هالورطة هاي ،انا بعتذر انا وجعتلك راسك
عدي:ولايهمك ..عملتلك شوربة
ديانا :عملتا الي
عدي:اي انت و نايمة
ديانا :يسلم ايديك ما كان في داعي تعذب حالك
عدي:لا ولو ،انت معك سكري ؟
ديانا :اي…. شفتك كانو عاطيني ابرة يسلم ايديك من حسن حظي انو لقيت بيتك و انك بتعرف تضرب ابر
عدي: اي و انا من حسن حظي كمان
نزلت راسي على الارض انا و خجلانة و وقت شافني خجلت قام فورا و دخل على المطبخ و رجع بعد شوي و اعطاني صحن الشوربة
ديانا:انت ما متزوج ،قصدي يعني ساكن لحالك هون ؟
عدي:اي ما متزوج و ساكن لحالي هون و انت شكلك كمان ما متزوجة
ديانا :اي
عدي:و لا حتى مخطوبة ؟
ديانا :لا كان في مشروع خطبة و ما تمت
عدي:ليش؟ عفوا اذا بتحبي ما تجاوبي
ديانا :انااا …كنت بحب واحد و هو بحبني ، تعرفت عليه بالجامعة و بقينا مع بعض سنة و نص و اجا طلبني من اهلي بس وقت عرفو اهلو انو معي سكري ما عاد رجعو
عدي:اي و هو شو عمل ؟
ديانا :ما عمل شي ،تركني و راح خطب بنت رفيقة امو و تزوج هلأ و مرتو حامل كمان ،مرتو بتكون رفيقة رفيقتي و بشوفا على طول بالجامعة
عدي: تزوج ..عفوا بس انت قلتي بحبك ؟
ديانا:اي بحبني
عدي:هادا ما بحبك ،لو بحبك ما كان تركك و راح تزوج غيرك
ديانا :بس اهلو غصبوه على هالجازة
عدي:حسيت من طريقة حكيك كانك عم تبرريلو و متعاطفة معو ،الرجال ما بينجبر على شي و وقت بدو يفركش خطبة او علاقة مع شي بنت بحطا بضهر اهلو
ديانا :…..
عدي:عفوا ما كان قصدي ازعجك بس انا كان قصدي …..
الجزء الرابع:
ديانا:لا …عادي انا نسيت القصة اصلا و تجاوزت هيك مرحلة ،كنت بالاول ادايق و اتحسس من نظرة الناس يلي كلها شفقة لبنت صبية حلوة و صغيرة و معا هيك مرض مع انو انا متلي متل كل البنات بقدر اتزوج ويصير عندي اولاد و تابع حياتي
عدي:اكيد طبعا هالشي ما بيمنعك ابدا
ديانا:يسلمو على الشوربة كتير طيبة
عدي :صحة و هنا رح اتركك تكفي نومتك …طلع الصبح
ديانا :و انت وين بدك تنام ؟
عدي :انا ما رح نام ،ما جايني نوم رح اطلع برا عندي شغل
ديانا :عنجد انا منحرجة منك جيت و لبكتك
عدي :لا ولا يهمك خدي راحتك و اعتبري البيت بيتك
ديانا :بس الله يخليك انا خايفة يرجعو هدول يعني ما تبعد كتير
عدي:لا ما رح بعد ،رح قطع خشب جنب البيت لندفا عليه بالليل
طلع عدي من البيت و انا استغربت من حالي كيف حكيت بهالسرعة عن حياتي الشخصية ، رجعت كفيت نومتي لانو كنت تعبانة كتير من الركض و الخوف يلي صار معي مبارح و نمت انا و مرتاحة مع انو اي وحدة بمحلي كانت بتخاف من انو تنام ببيت شاب عذابي او بتخاف من عدي و شكلو بس انا كنت مرتاحة كتير و متفاجئة بحالي و بهدوئي النفسي ببيتو و ما فقت الا الساعة 12الضهر فتحت موبايلي لشوف اديش صارت الساعة و اذا فيه تغطية الا لا و للاسف ما كان في ولا اي خط للتغطية ،قمت غسلت وجهي و ما لقيت عدي بالبيت ،طلعت برا و شفتو قاعد و عم يشرب قهوة
ديانا :صباح الخير
عدي:يسعد صباحك جيبي فنجان من المطبخ و تعي اشربي قهوة
قعدنا شربنا قهوة
ديانا :ليش قاعد هون يعني قصدي منعزل عن كل هالعالم و قاعد بغابة ؟
عدي:قصة طويلة
ديانا :احكيا عم اسمعك
عدي:طيب مع انو ما من المفروض احكيا لحدا او يعرفا حدا بس لانو انا ارتحتلك و حكيتيلي قصتك كمان ،انا اولا بشتغل بالمخابرات و بالاخص مكافحة المخدرات و قبل ما انعزل بهالبيت كنت عم لاحق عصابة كبيرة بحدود السنتين و كنت رح اكمشا بالجرم المشهود و حطن واحد واحد بالسجن بس المعلم تبعن حس علي و صفاني و فخخلي سيارتي و متل ما شايفة قدامك واحد محروق ،نفدت من الحادثة باعجوبة بفضل الله و بفضل رفيق عندي ساعدني كتير بهالموضوع و كمان طلعلي شهادة وفاة حتى ما يرجع يلاحقني و يصفيني على الاخر لهيك انا متخفي هون و هالعصابة يلي شفتيا مبارح بظن هن نفسن
ديانا :يعني انت ميت، قصدي يعني كل الناس بتعرفك ميت؟
عدي: طبعا
ديانا :ياللله معقول في حدا فوق القانون
عدي:لا ما في حدا فوق القانون بس القانون بدو اثباتات و براهين ما بدين او بيسجن اي حدا بدون دلائل ملموسة يعني يكون متلبس بالجرم المشهود او صور او فيديوهات على الاقل
ديانا :طيب و شو بدك تعمل هلأ بدك تقضي كل حياتك بحكم الميت و معزول و متخفي
عدي:هههههه صرنا نحن الاتنين متخفين و من نفس الجماعة شو هالصدفة
ديانا :هههههه بتفسد علي بفسد عليك
عدي:لا اكيد ما رح ضل متخفي ،انا عم اتعالج هلأ من الحروق و بدن وقت ليطيبو و جسمي بدو وقت ليرجع متل اول و بعدين رح ارجع اقوى من الاول لانو هالمرة صار في تار شخصي من يلي عمل فيني هيك
ديانا:قصتك و لا بالخيال
عدي:و قصتك كمان بس انتو بنات صبايا شو بجيبكن لهل المنطقة لحالكن ؟
ديانا :هيدي فكرة رفيقتي لبنى بس يا ريت سمعت كلام امي و ما جيت معن
عدي:الام اكتر وحدة بتخاف على اولادها و بتعرف مصلحتن لهيك ما تنجري ورا رفقاتك بكل شي لانو بضلو انتو مراهقين ….على كل حال في مي سخنة اذا بدك تتحممي
ديانا :اتحمم!! !لا ما في داعي
عدي:ما بعرف على راحتك بس تيابك وسخين و بعطيكي تياب من عندي دبري حالك فين
ديانا :اي ..طيب
عدي:باب الحمام الو قفل ما تخافي
ديانا :لا ما خايفة
شربنا القهوة و فتنا لجوا على البيت و انا فتت شوف الحمام و شوف بابو و فتت و طلعت اكتر من مرة انا و محتارة اتحمم الا لا ،بالاخير رحت عند عدي
ديانا :ممكن تعطيني تياب من عندك ؟
عدي:اي تكرمي
قام على الخزانة و ناولني تياب و انا فتت اتحمم انا و خايفة ،انا و عم اتحمم دق الباب علي ،كان رح يوقف قلبي من الخوف
ديانا:اييه
عدي:نسيتي تدخلي معك منشفة ،رح حطلك اياها على الباب
ديانا:اه صح يسلم ايديك
بعد ما خلصت حمام ،فتحت الباب بسرعة البرق و اخدت المنشفة و رجعت قفلتو و لبست التياب بسرعة و طلعت
عدي:نعيما ههههههه كيف طلعو عليكي
ديانا : الله ينعم عليكي منظري بضحك كتير
عدي:انت كتير ناعمة
ديانا :انت يلي كتير طويل و عريض ، شو عم تقرأ ؟
عدي:عم اقرأ كتاب قواعد العشق الاربعون
ديانا:امم بتتسلى بالقراءة بقعدتك لحالك
عدي:طبعا الكتاب خير جليس ،بتحبي انا حط فطور الا انت ؟
ديانا :لا انا بحطو
الجزء الخامس:
فتت على المطبخ و هو لحقني و قعد على طاولة الكرسي
عدي:عم اسالك لانو اشتقت لاكل فطور من تحت ايدين مرة لانو بضل المرة الها نفس طيب على الاكل غير الرجال
ديانا :ليش مين كان يعملك فطور ؟
عدي:انا كنت روح افطر او اتغدى عند اختي معظم الاحيان
ديانا:صحي بيعرفو اهلك انك عايش
عدي:لا …. انا عندي اخت و اخ بس و ابي و امي متوفين من 3سنين
ديانا : رح اقلي بيض بس ما بعرف اذا بعجبك لانو انا ببيت اهلي كان عنا طباخة و هي يلي تعمل الفطور و الغدا
عدي:يعني عم تقليلي انو ما اعتمد عليكي بشي و انا بفهم اكتر منك بالطبخ
ديانا :هههه انا ما بعرف اطبخ بس عندي فكرة و انا ما عندي مشكلة اطبخ بس بدي حدا يعلمني
عدي:اي
فقست البيض بالصحن انا و خجلانة من حالي و الموقف يلي انحطيت فيه ،ما بحياتي فتت على المطبخ لاطبخ الا بس لاكل
ديانا :ايه خلينا نبلش باول درس كيف بقلو البيض ؟
عدي:نعم هههههههه قلتيلي عندك فكرة ،هلا بيض ما بتعرفي تقلي ؟
ديانا:هههههه
كنت عم اضحك انا و وجهي احمر و قول بيني و بين حالي يبعتلك حمى يا ديانا على هالموقف يلي حطيتي حالك فيه،ضروري نط و قلو انا بحضر الفطور
عدي:طب خلص انا رح قوم علمك ،لانو شايف وجهك احمر من الخجل
قام يقلي البيض و انا واقفة جنبو عم اتفرج ،و هو تابع حديثو
عدي: شايفة في اسهل من هيك ،قد ما كانت البنت متعلمة و ذكية و معا شهادات اذا ما بتعرف تقلي بيض و طبق طبخة ملوخية و فاصوليا ما بيكتمل جمالا و على قولة المتل اقصر طريق للرجل هو معدتو
ديانا :انا ما معك بهالمقولة و بعدين اذا ما بدو ياخدني و يحبني لانو بس ما بعرف اطبخ بالناقص اصلا
عدي:هيدا حكي مراهقين ،الرجال بحب مرتو تكون كاملة مكملة مع انو الكمال لله، بس ابسط الامور تكون بتعرف تطبخ
ديانا :ماشي رح اخد كلامك بعين الاعتبار و صير اتعلم الطبخ
عدي:ها خلصنا ،شفتي ما اسهل قلي البيض ،اسهل من انك تحطي اينينر فوق العين
ديانا: شو هو ؟!!!
عدي: هيدا يلي بتشخبطو انتو البنات فوق عيونكن و بتطلعو متل دب الباندا
ديانا:ههههههه اسمو ايلاينر و بعدين بالعكس كتير بحلي العين بس انتو الرجال ما بتفهمو بهيك قصص
عدي: المهم الدرس الجاية بعلمك كيف تسلقين البيض ، ليكي بتعرفي تشرحي خيار و بندورة ولا بجي بعلمك ههههههه
ديانا (معصبة):لا ما لهدرجة يعني كمان
عدي:شبك زعلتي عم امزح ولله
قعدت انا و خجلانة اكل معو لانو ما متعودة اكل مع رجال غريب ، بعد ما فطرنا قمت لاجلي ،كانت حياة جديدة علي اول مرة بوقف على مجلى ،بعد ما خلصت طلعت على غرفة القعدة و قعدت على الصوفاية و فردت شعري و بلشت نشفو بالمنشفة ،كان قاعد قبالي و كل شوي يطلع علي و يرجع يتابع قراءة بالكتاب ،بعد ما خلصت رفعت شعري
ديانا :الوقت هون بمر ببطئ شو بدي اعمل ؟شو في شي اتسلى فيه
عدي :ليكي في هاي المكتبة ،فيها كتب كتير ،اختاري كتاب و اقعدي اقرأيه
قمت و وقفت ربع ساعة قدام المكتبة و بالاخير شفت كتاب بعنوان الجحيم ،الاسم يلي لفتلي نظري كتير ،مسكتو و رحت على الكرسي الهزاز لاقعد و بلش قرائتو ،قعدت على الكرسي و بلشت هز حالي ،حتى وقعت و رجلي صارو فوق و راسي تحت ،ركض عدي علي ليشيلني هو و ما قادر يمسك حالو من الضحك
عدي: هههههه قومي معي ..صرلك شي ؟
ديانا:لااا بس الكرسي مدري شبو ،خربان مو
عدي:لا بس انت رجعتي لورا زيادة ،بدك تقراي الجحيم ؟
ديانا: اي ، لفتلي نظري الاسم، حلوة ؟
عدي:اي حلوة و اذا عجبتك في عندي اكتر من رواية لنفس المؤلف دان براون
قمت و قعدت اقرأ بالقصة و بعدين مليت من القراءة و طويت الصفحة محل ما وصلت و قمت وقفت على الشباك انا و عم فكر شو ممكن يكونو رفقاتي اتصرفو و اهلي شو بكونو عم يعملو هلا ،يا ترى عرفو اني انا ضعت و رح يجو يدورو علي ،اسئلة كتير سالتا على حالي،بس اكتر سؤال لح علي هو وين راحو رفقاتي و تركوني بهالطريقة ،كانت هالفكرة بالنسبة الي ما مريحة ابدا و مشوشة
عدي:بشو شاردة …ديانا…ديانا
ديانا:اي
عدي:شبك بشو شاردة ؟
ديانا:ولا بشي ..ولابشي
سكر الكتاب و قام وقف جنبي على الشباك
عدي:حلو هالمنظر ما هيك
ديانا:اي كتير بس كمان الجنة بلا ناس ما بتنداس ،انا مستغربة فيك كيف قادر تعيش لحالك هون ما بتمل و بتضجر ؟
عدي:اكيد بمل بس مضطر اقعد هالفترة هون لبين ما طيب ….اه صح ذكرتيني ادهن وجهي
فات على غرفتو و جاب كيس و رجع و فتح اول علبة كريم ،قربت لعندو
ديانا:خليني ساعدك
عدي:لا ما في داعي انا متعود
ديانا:لا عادي
اخدت منو الكريم و بلشت ادهنلو ايديه
عدي:انت بدك ابرة انسولين كل يوم و ما ضل غير ابرتين معك
ديانا:امم انتبهت و اكلة هم هالموضوع كتير لازم الاقي طريقة لارجع فيا او على الاقل شي صيدلية قريبة
عدي:ما تاكلي هم ،في صيدلية بتبعد ساعة مشي عن هون بروح بجبلك اياهن بس رح روح لحالي
ديانا :و انا بدي ابقى هون لحالي بخاف كتير
الجزء السادس:
عدي:رح تقعدي بالقبو لبين ما ارجع
ديانا : طيب الصيدلية اكيد بكون عندن تلفون مو هيك ؟
عدي:ما بعرف بس بسالك
ديانا :رح اعطيك رقم اهلي مشان اذا لقيت عندا تلفون دقلن و تخبرن بمحلي …..ارفع وجهك هيك …ما بتتوجع
عدي: هلا اخف من قبل بكتير ، كنت من 8شهور اخد مسكنات و ابر بس هلا لا
ديانا: خلصت
عدي:يسلم ايديكي
صارت الساعة ستة و ما صار شي جديد لهلا،كنت متوقعة باي لحظة يندق باب عدي و تجي الشرطة او حتى اهلي ،كنت افتح موبايلي لشوف اذا اجت التغطية و ما في اي نتيجة ،و المحل الوحيد يلي كان فيه تغطية هو محل ما شافوني الرجال و ما بعرف ارجع للمنطقة و حتى بخاف ارجع و كنت قاعدة عند عدي و انا خجلانة اكتر ما كون خايفة منو
عدي: شو بدك تتغدي ؟في بطاطا و نقانق؟شو رايك ؟
ديانا:ما بتفرق معي
قمت انا و اياه على المطبخ و اعطاني جاط فيه بطاطا
عدي :اقشرين
اطلعت بالجاط و اطلعت فيه،مسكت اول حبة و ما عرفت قشرا توقع من ايدي او ينقام منا كتير ، قعد جنبي و مسك اول حبة وبلش يعلمني كيف بقشرو و بقسمو بطاطا ،بعدين قلي حطي الزيت عالنار و اقلين ،مسكت اول كمشة و بعدت عن المقلى متر و زتيت البطاطا و رجعت لورا فورا
عدي:ههههههه الي زمان ما ضحكت هيك ،ما معقولة انت ،حسيت كانو المقلاية بدا تقوم تركض وراكي و تحرقك ….لك قربي شوي
ديانا:بخاف انحرق من الزيت
وقف وراي و مسك ايدي و قربني على المجلى ، و حطا بجاط البطاطا و مسكنا كمشة تانية و زتيناها بالزيت
ديانا:امم خلص مشي الحال تعلمت
بعد عني و رجع قعد على الطاولة و حط ايدو على خدو وصار يتفرج علي ،التفتت عليه
ديانا:هلا ما تقلي كمان اقلي النقانق،حاجة اليوم تعلمت اقلي بيض و بطاطا ،عقلي ما بجمع كذا شغلة مع بعض
عدي:ههههه طيب انا بقلي النقانق
تغدينا و فات على الصالون يحط حطب بالمدفاية و انا جليت و لحقتو ،شفتو قاعد عالكرسي جنب المدفاية ،ركضت قعدن جنبو على الارض
ديانا:برررد كتير
عدي:قومي قعدي فوق
ديانا:لا مرتاحة
عدي:كيف كنتو رح تقضو الليل انت و رفقاتك بهالبرد و البرية؟
ديانا:جبنا حطب معنا لنشعلو و ندفا عليه
عدي:ليش بتعرفو تشعلو؟
ديانا:انا لا بس رفيقتي لبنى بتعرف ،و بتعرف شغلات كتير كمان،بشو ما سالتا بتعرف بحسها احيانا متل الرجال بقوتا
عدي:كانك معجبة بشخصيتا ؟
ديانا:اي كتير بحب كون متلا قوية و ما بتفرق معي بشي بس انا حساسة كتير ،صحي انت ليش لهلا ما تزوجت ؟
عدي:كان في مشروع خطبة و رحت انا و هيفا شفنا البنت و اهلها و طلبناها رسمي بس بعدين هيك صار معي
ديانا:يالله، يلا بترجع بتطلبا مرة تانية بس تتحسن
عدي:ههه يمكن بتكون انخطبت و تزوجت
ديانا:ما تزعل كل شي نصيب بزوجك وحدة من رفقاتي هههههه بزوجك لبنى؟
عدي: لا انا بدي اتزوج مرة ما بدي اتزوج رجال
ديانا:مافهمت
عدي:اذا عم تقولي بتعرف تشعل حطب و شغلات كتير شو بدا تكون يعني ….المهم انت شو بتدرسي؟
ديانا : انا بدرس تجارة و اقتصاد و هاي اخر سنة الي و بتخرج و اخيرا ….نعست
عدي: على الدفى ،قومي اعطيكي الابرة قبل ما تغفي هلا
اعطاني اابرة الانسولين عدي و قمت قعدت على الصوفاي و فتحت الكتاب لتابع قراءة ،غفيت انا و عم اقرأ و ما فقت لتاني يوم و شفت حالي بتختي ،قمت و شفت عدي عم يحط فطور ،فطرنا و فتحلي باب القبو و نزلت و هو راح على الصيدلية ،قعدت بالقبو و بلشت اقرأ بالرواية و مشي الوقت بدون ما حس و انا قاعدة تحت سمعت صوت الباب عم يندق بقوة و بعدين سمعت صوت دفشة الباب و دعسات رجال فوق بالبيت ،خفت يعرفو محلي
الاول: فتشوو منيح وين بدا تروح لازم نلاقيا قبل ما يلاقوها هدلاك و الا المعلم بموتنا و بزتنا شقف للكلاب
التاني:معلم تعا شوف ..تعا بسرعة
الاول:شو هدول ؟تيابا ؟
التاني:ايه معناتا هي هون
الاول: انكتو البيت ما طالعين من هون قبل ما ناخدا معنا
التالت:ما شكلا بالبيت بجوز طالعة مشوار قريب
الاول:اطلع اوقف برا معناتا و شوف اذا لمحت حدا جاي او قريب من هون
التاني:ما لقينا شي معلم
الاول:شوف اذا في في سقيفة او قبو بهالبيت
و انا سمعت كلمة قبو و بلش قلبي يدق بسرعة و يديق نفسي و ابكي على الساكت ،نزلت على السلم شوي شوي و مشيت على روس اصابيعي و تخبيت بخزانة التياب
التاني:معلم تعا شوف في قبو هون
الاول :شو عرفك ولا ؟
التاني:اسمع
و صار يخبط برجليه على الارض ،بعدين قام السجادة من فوق الارض و فتحو باب القبو و بدن ينزلو لتحت
الجزء السابع:
عدي:هااااي وين نازل انت ،شو مفكرين البيت بيتكن ؟
بس سمعت صوت عدي ارتحت كتير
الاول:انت صاحب البيت ؟
عدي:ايه شو بدك ليش دافشين الباب و فايتين ،شو القصة
الاول:عم ندور على بنت و هي عندك طالعة بسرعة
عدي: ما عندي حدا و انا ساكن لحالي
الاول :اي و هدول تياب مين ؟
عدي:…هدول تياب لصاحبي دودي يلي بيجي لعندي و بقضي يومين عندي لهيك تارك الو غيار هون و بتحب قلك شو بعمل انا و اياه كمان
الاول:طيب رح نفتش القبو
و بعدين منطلع و منوعدك ما بقا نرجع لهون
عدي:خود رجالك و ا طلع من هون و ممنوع تفتشو بيوت الناس من غير اذن رسمي
الاول:..طول بالك …يا اخ نحن جاين لنحمي هالبنت من عالم بدن يقتلوها
عدي:و انا شو دخلني و بي شو دخلو ؟روحو قتلو العالم يلي بدا تقتلا
الاول:دورنا علين بكل الغابة و ما لقيناهن و خايفين يوصلو للبنت قبلنا اذا بتريد ساعدنا
عدي:ما بعرف شي عنا و من يومين اجو جماعة سالو عن شاب و فاتو فتشو البيت و القبو و بلغت عنن الشرطة لانو جاين من غير اذن و الشرطة صار عندا علم بانو بيتي صار مستهدف
الاول للتاني : هدول مجد و علاء ،مفكرينها انو شاب
الاول:طيب متل ما قلنالك اخ ….
عدي:اسمي قاسم
الاول:اخ قاسم و الك مكافئة مالية كبيرة عنا
عدي:نحن ما بدنا شي غير انو نساعد ….الله معكن
سمعت صوت دعسات رجلين طالعين و تسكيرة الباب و بعد ربع ساعة ،فتح عدي باب القبو و نزل فورا
عدي:ديانا وينك
انا شفتو لعدي و لفيتو و بلشت ابكي
عدي:خلص ما تبكي هاي انا جيت
ديانا : ولله العظيم ما عملت شي ليش كل الناس عم تلاحقني ،صرت عم شوف كوابيس منن
عدي:تعي اقعدي هون لجبلك مي
ديانا:تعبت اعصابي كتيرر و تعبتك معي
عدي:لا ما تحكي هيك ،و ما تخافي طول ما انت معي …خليكي هون انا طالع لفوق اتفقد الوضع و برجع
طلع عدي و رجع نزل
عدي:هدول لسا ما راحو
ديانا :شوووو …يا ربي
عدي: خليكي هون اوعى تطلعي ،بعدن شاكين انك هون
ديانا :الله يخليك ما تتركني لحالي
عدي:راجع بس للاقي حلة معن
طلع عدي و انا بقيت تحت خايفة و عم ابكي ،غاب نص ساعة و رجع فتح الباب و قلي اطلعي راحو ،طلعت و شفت عدي عم يلبس تيابو الداخلية من فوق
ديانا :شو عم يصير معك ليش شالح ؟
عدي: ههههههه
ديانا :كيف خليتن يروحو ؟
عدي:شلحت تيابي و طلعت وقفت برا و اطلعت بواحد فين و غمزتو ، حتى اكدلن حكي بانو مصاحب شاب اسمو رودي ، اطلعو فيني زوروني و راحو
ديانا :ما فهمت شي
عدي:ما فهمتي ؟
ديانا :اه فهمت فهمت …عدي انت
عدي:لا طبعا .. شبك صدقتي …انا كان بدي اياهن يصدقو و يقرفو و يروحو
ديانا :قولتك برجعو
عدي:ما بعرف ، يلي بعرفو انو انا ما عاد فهمت شي ،في جماعتين عم يلاحقوكي او يمكن يكونو الاتنين جماعة وحدة و بدن يقتلوكي و كذبو علي هالكذبة حتى امنلن و قلن عن محلك و الجماعة الاولى مفكرتك شاب و الجماعة التانية بتعرف انك بنت
ديانا : صح بس ليش الجماعة الاولى ما شكو فيك و انت شاب ؟
عدي :لانو بتوقع لمحوكي و هن عم يركضو وراكي و شافو طولك وحجمك و فرق كبير بين بنيتك و بنيتي
ديانا:ما بقا فهمت شي انا بس خايفة و بدي ارجع لبيت اهلي بسرعة ،الله يخليك ساعدني ما تتركني
عدي:ما رح اتركك و انت خليكي هون ما تطلعي برا ابدا ،ليكي جبتلك الحقن
ديانا:يسلم ايديك على كل حال رح بدفعلك حقن بس ارجع على …
عدي:معقول انت كيف بتفكري
وقت اجا الليل ،طلبت منو ينام معي بالغرفة ،انا بنام على التخت و هو على الارض لانو كنت خايفة كتير
ديانا:عدي بعدك فايق ؟
عدي:ايه ما رح نام قبل ما تنامي ، نامي و اطمني ما حدا رح ياخدك و يقتلك و انا موجود
ديانا:مطمنة بس طاير النوم من عيوني ،عدي انت حبيت شي بحياتك ؟
عدي:لا لانو بحكم طبيعة شغلي و قلة البنات يلي فيه ما اجت الفرصة لحب ،شو خطر على بالك تساليني هيك سؤال
ديانا:مجرد حديث يعني
عدي:و انت بعدك بتحبيه لهل الندل يلي حكيتيلي عليه؟
ديانا:ما تقول عنو ندل اذا بتريد
قام و رفع راسو و اطلع فيني
عدي:لكن شو بينقلو ؟ ،و بعدين بحس بطريقة حكيك عنو كانو متقبلة الموضوع انو تركك و تزوج غيرك
ديانا :اي متقبلتو لانو اي واحد بمحلو يمكن رح يتصرف نفس الشي
عدي: لا طبعا يلي بحب ما بترك ،يعني انا لو كنت بمحلو مستحيل اتزوج غيرك
ديانا:….على كل حال فادي اول علاقة حب و اخر علاقة حب بحياتي لانو لا بقا بدي حب و لا بفكر اتزوج بقا
عدي:عم تحكي و كانو الحب قرار و بايدك ،ما رح يجي الحب ياخد اذنك قبل ما يفوت حياتك و انت يا بتسمحيلو يا لا
ديانا:لا الحب قرار و اختيار
عدي: لا الحب هو يلي بسيرك و بيحكم قراراتك و اختياراتك و اشك بانك كنت تحبيه لهيدا فادي ….لحظة ….هس ….كانو سامع صوت حدا برا
ديانا:شوووو ،قوم شوف مين ؟
عدي:طيب ،قام و طلع مسدس من ورا الخزانة و انا قمت ركض وراه و مسكت فيه
عدي:وين جاي معي ،فوتي لجوا
ديانا:ببقى معك اضمن
طلعنا لبرا و كان برد كتير ،و طلعت قطة عم تنكش بالزبالة ،رجعنا فتنا لجوا و رجع كل واحد لمحلو
ديانا:عدي …..عدي….نمت
عدي:…….
قمت من التخت و نزلت لعندو و هزيتو من ايدو
ديانا:عدي فيق ..قلتلي ما رح تنام قبلي ….عدي انا خايفة
عدي: ديانا خلص ما بقا تفيقيني …انا فرطت ….نامي جنبي هون
ديانا:طيب بعد شوي حتى نام
عدي:تفضلي
الجزء التامن:
نمت جنب عدي و درت ضهري حتى ما يكون وجهي قبال وجهو بس بعد شوي ،لف ايدو على خصري و سحبني لعندو
عدي:كتير مبعدة رح تنزلي من الفرشة
انا بلش قلبي يخفق لانو اول مرة حدا بيلمسني بهالطريقة و كل علاقتي مع فادي خلال السنة و نص ما تعدت مسكة الايد يلي حتى منها انا كنت اخجل و اتلبك ، نمت فورا بس وقت فقت ما شفت عدي جنبي و قمت لاطلع من الغرفة بس لقيتا مقفولة ،بلشت خبط على الباب و نادي عدي
عدي:ما تخافي ،المفتاح تحت ،زتتلك اياه من تحت الباب
ديانا:ليش مقفلو؟
عدي:…لانو اطلعت لبرا و ما حبيت فيقك و قلك انزلي تحت بالقبو ،لهيك قفلت عليكي
ديانا :امممم
مر اسبوع على قعدتي عند عدي و علاقتنا عم تتطور و ناخد وجه على بعض اكتر بس مرة طلعت من الحمام انا و متلبكة
ديانا:هون في سوبر ماركت قريبة ؟
عدي:لا كلو بعيد شغلة ساعة مشي و اكتر ،ليش شو لازمك ؟
ديانا:لازمني شوية اغراض
عدي: قليلي شو بدك و انا بجبلك اياهن بكرا
ديانا :بكرا !!!! لا هلأ بدي اياهن مضطرة و انا لازم روح اشترين بنفسي
دي:انت ما بصير تطلعي من هون في خطر على حالك ،خلص انت قليلي شو بدك و انا بجبلك اياهن
تركتو و فتت على غرفة النوم ،و قعدت و حطيت ايدي على خدي ، كيف بدي فهمو انا شو بدي ،مستحيل احكي بخجل كتير ،،وقفت على المراية و شفت وجهي احمر كتير ،يا رب شو هالمواقف يلي عم انحط فيا ،رجعت طلعت عندو
ديانا:عدي انت ما رح تعرف تشتريلي الاغراض يلي انا بدي اياها لانو شغلات بتخص النسوان و بدي كمان مسكن آالام
عدي:مسكن آلام !! شو عم يجعك ليش ؟
ديانا :راسي ،راسي عم يجعني بس انت جيبو مسكن عام
صفن فيني و سكت و كانو عم يفكر و يقلب براسو شو ممكن يكون انا بدي ،بعدين ابتسم و نزل راسو
عدي:خلص فهمت عليكي ،ليكني قايم البس ،تعي انزلي تحت القبو
راح و رجع عدي و جبلي يلي فهم مني لحالو شو بدي و حتى ما يحرجني ،حطن بغرفة النوم و انا فتت على الغرفة و ما بقا طلعت منا للعصر
ديانا :شو عم تعمل ؟
عدي:سباكيتي
ديانا :رح ساعدك
عدي:لا خلص ..بعدو راسك عم يجعك ؟
ديانا:راسي؟؟اه ..لا لا بعد ما اخدت المسكن طاب على الاخير
بلعت ريقي و كملت تفريم بصل
عدي:اداءك متحسن بالطبخ عن هداك الاسبوع
ديانا :اي طبعا ،عم اتعلم و الفضل الك شيف عدي
عدي:افتحي تمك …دوقي …استوت
ديانا:اي استوت ….عدي انا بدي اطلب منك طلب خطرلي اليوم
عدي:تفضلي
ديانا:هلأ اكيد في تغطية و اشارة جنب السوبر ماركت او الصيدلية يلي رحت عليها ،و انا لانو ما خرج روح معك ،فيك انت تاخد الموبايل و تشوف اذا اجت التغطية تتصل باهلي و تقلن عن محلي و انا بعتلن مسج بس لسا ما طلعت من عندي لانو ما في تغطية
عدي:اي ممكن كتير بكرا تكرم عينك بروح و بجرب ….عم تبكي !!!
ديانا(تبكي) :انا اشتقتلن كتير و خايفة على امي يصرلا شي لانو طولت كتير
قرب علي و حضني
عدي:خلص ما تبكي رح شوف بكرا كيف رح ساعدك بهالموضوع بس السبت الجاي موعد جية رفيقي يعني هانت انشالله
لبس تاني يوم عدي
عدي:هاتي موبايلك….الغي الباسورد عليه……رقم ابوكي بشو مسجلتيه ؟
ديانا : دادي
اخد عدي الموبايل مني و قبل ما يحطو بجيبتو ،اطلع بالصورة يلي حاطتا خلفية على الشاشة
عدي:هاي انت و اهلك
ديانا :اي هاي انا و بابا و ماما
وقف يطلع بالصورة ربع ساعة و هو ساكت و بعدين انتبه على حالو و حطو بجيبتو و نزلني على القبو و طلع و بعد ساعة و نص رجع و قلي للاسف ما في تغطية ،خلص انطري لسا اسبوع بيجي رفيقي و بتروحي معو ،دخلت بالاسبوع التاني انا و عند عدي يلي تغير كتير معي وصار انسان تاني مختلف و ما فهمت سبب تغيرو ،صار متناشف كتير و قليل حكي و ما يحكي الا الكلمة اللازمة ،حتى ما بقا نام معي بالغرفة و رجع ينام بغرفة القعدة ،انا تحسست كتير من تصرفاتو الجديدة معي و قلت اكيد استتقل من قعدتي عندو بس ما كان عندي خيار تاني الا ابقى عندو و انطر الاسبوع ليخلص ليجي رفيقو من البلد ،كنا ناكل و نقعد مع بعض نحن و ساكتين وكان حتى يتجاهل انو يتطلع فيني ،و انا ما سالتو ابدا ليش هيك عم تعاملني ،خلص الاسبوع و اخيرا و اجا اليوم يلي بدي ارجع فيه لعند اهلي،فتت تحممت على السريع و طلعت و انا و طالعة ،سمعت صوت عدي و رجال تاني عم يحكو بالحديقة برا البيت ،مشيت لاطلع عندن و سلم على رفيقو بس قبل ما اطلع سمعتن عم يحكو
عدي:شعور حلو كتير اول مرة بحسو بس وقت حسيت حالي ما قادر بقا امسك حالي عنا ،قمت فورا و طلعت من الغرفة و قفلت الباب عليها و زتتلا المفتاح من تحت الباب
مازن:هههههه بربك هيك عملت
عدي:لكن شو كان بدك اياني اعمل ؟
مازن :يا عمي النسوان النسوان حلوين كتير
عدي:حلوين و بس يا زلمة هدول يلي كانو معنا بالشغل ما نسوان هدول رجال ،لو بتشوفا ما انعم صوتا و كيف بتمشي و بتدلع ،كيف بترفع شعرا عن وجها و كيف بتنام متل القطة ،وكيف بتناديلي عدي بحس قلبي طلع من محلو ،بحس حالي احيانا بدي قلا يا روحو لعدي يا عيونو لعدي بس برجع بتذكر
مازن:شكلك حبيتا يا صاحبي
عدي: لا بالعكس انا هلا بكرها كتير ، و الوضع اختلف بعدما عرفت مين بتكون ، هلا بدي فرجيها الوجه التاني لعدي ،وبدي احرقا واحرقلو قلبو عليها متل ما حرقني
مازن :البنت ما الها ذنب و بعرفك بتحكي حكي بس
عدي:لا مو حكي انا صرت بكرها كتير لانو طلعت بنتو و صح هي ما الها ذنب بس اجتني الفرصة لعندي و ما رح ضيعا
مازن :وينا هلأ ؟
عدي:جوا ،عم تتحمم ،و اليوم متأملة انو ترجع معك
مازن: طب انا قايم قبل ما تشوفني
عدي:خليك لسا شوي ،بطول كتير بالحمام ،عاملتو استديو تسجيل اغاني
مازن :ههههههه ضحكتني بتغني يعني بالحمام
عدي:بتغني و بس و العلم عند الله كمان بترقص
مازن:دخيل الله ما احلاهن للبنات
مازن : طيب شو رايك نعتبرا كرت رابح بايدنا و نضغط على ابوا فيا
عدي: و مين قلك ما فكرت هيك و عم بلش اشتغل على الفكرة من اسبوع بس كنت ناطرك لتجي و قلك جيب الشباب لنخطط على هالموضوع
وقفت بارضي و انا مبسوطة بالحكي يلي سمعتو من عدي بس وقت تغيرت نبرة صوتو لعدي و سمعت الكلام الاخير و شو بدو يعمل فيني ،رجعت على الغرفة جوا انا و عم ابكي لبست تيابي يلي جيت فين لعندو و ضبيت اغراضي و الاغراض يلي ممكن تلزمني من عند عدي و نطيت من شباك الغرفة و هربت ،اخر شي توقعتو انو اطلع من عند عدي هربانة منو بعد ما هربت لعندو ،كنت عم اركض و ابكي ،شغلات كتير عرفتا بدقايق بس ،ابي هو السبب بحالة عدي ،يعني بيشتغل بالمخدرات ،بقيت بقية النهار بالغابة الملعونة انا و امشي بكل الاتجاهات و خايفة يطلعلي شي ذئب او ضبع او اصدف الناس يلي عم تلاحقني ابكي و صرخ و العن الساعة يلي طلعت فيها الرحلة المشؤومة مع رفقاتي ، بقيت 4ساعات بالغابة و انا ماسكة موبايلي و عم دور على اشارة ،عتمت الدنيا و بعدني بالغابة ،تعبت كتير و بالاخير قعدت و سندت ضهري على الشجرة ،ماعرفت تابع مشي الا ضل بمحلي ،كل يلي عملتو انو بقيت بمحلي و استسلمت و قربت ركبي لصدري و ضميت راسي بين ايدي و بلشت ابكي و اعرق و ارجف ،سمعت صوت دعسات رجلين، رفعت راسي انا و نظري مشوش و شفت عدي واقف قبالي و ماسك مسدسو و مصوبو باتجاهي
#الهاربة #بقلم #هلاغرابلي
الجزء التاسع :
عدي: اوعى تتحركي
ديانا :بدك تقتلني ،اقتلني ما بقا تفرق معي
رجعت طبيت راسي و سمعت صوت الرصاصة
عدي:ديانا …انت منيحة ؟…
كنت عم اعرق و ارجف و دايخة و رح غيب عن الوعي
عدي:كان في ضبع وراكي و انت ما منتبهة اقتلتو ، معقول اقتلك يعني ….قومي معي …ديانا …طلع معك السكري ..
غبت عن الوعي و وقت فقت شفت حاالي بالتخت عند عدي ،فات عدي على الغرفة هو و لابس بنطلون بس و من فوق شالح ،اول ما شفتو هيك ، قمت من محلي و وقفت على التخت و رجعت على الحيط
عدي:شبك
ديانا :اوعى تفكر تقرب علي
عدي:شو عم يصير معك ؟كيف صرتي ؟
ديانا: بعد …. ما تقرب اكتر ،كنت مفكرتك انسان منيح و لجئتلك بس طلعت واحد ندل
عدي:ندل ….ندل …..انا ندل؟
ديانا :اي ندل و كتير كمان و يا محلى رجال العصابة جنبك
عدي:ندل …بدك تعرفي كيف الندل بكون ؟
ديانا:بكفي عرفتك الك
قرب لعندي و سحبني من رجلي ،وقعت على التخت ، سحب البنطلون يلي كنت لابستو و شرطلي القميص و مسكلي ايدي و ثبتن على التخت
عدي:هادا هو الندل ،و لو انا ندل كنت عملت فيكي هيك من اول ليلة نمتي فيها عندي
تركني هو و معصب و طلع لبرا و انا سحبت الحرام و غطيت حالي،سمعت صوتو عم يصرخ و يكسر و بعدين رجع وقف على باب الغرفة
عدي:انا ندل ولا ابوكي الندل ، لك انا حميتك من ابوكي يلي كان بدو يقتلك بالغلط ،الرجال يلي لحقوكي بدن يقتلوكي هن رجال المعلم ابوكي و بس عرف ابوكي انو بنتو هي يلي شهدت جريمة القتل بعت عالم يدورو عليكي و يمنعو الرجال يلي بعتن بالاول ليقتلوكي ،ابوكي وقع بشر اعمالو و باقرب الناس الو
ديانا:كذاب انت
عدي:متل ما بدك لا و ما استرجى يبلغ الشرطة عنك لانو خاف تكوني صورتي فيديو و تسلميه للشرطة و ينفضح امرو و امر رجالو ،شفتي ابوكي اديش بحبك
ديانا:انا سمعتك عم تقلو لرفيقك بدي احرقا
عدي:…..اي حكيت هيك بس ما رح اعمل هيك شي ،و لو بدي اعمل هيك كنت عملت من اسبوع بعد ما شفت صورتك انت و اياه على الموبايل و عرفت انك بنتو
ديانا:………
عدي:……..ديانا ….انااا….ما ….قصدي اعمل هيك فيكي …..انا بعتذر ….قومي البس تيابك
ديانا:….
قعد جنبي على التخت و سحبني و قعدني بحضنو
عدي:خلص ما تبكي بس انا الي اسبوع ما بعقلي ،اخر شي توقعتك انك تكوني بنت الشخص يلي اذاني و حاول يقتلني و شوهني ،انت ما بتعرفي اديش انا تعذبت و توجعت من الحروق و العزلة هون بهالغابة
ديانا:انا بدي ارجع لعند اهلي
عدي:رح رجعك بس مو هلأ
ديانا:بدك تستغلني لمصلحتك
عدي:ما تقولي استغلال ،قولي انو بدي اياكي تساعدينا
ديانا:انت مجنون بدك اياني ساعدك لتحطو ابي بالسجن
عدي:ابوكي مجرم كبير شوفي اكام واحد و وحدة عم يصيرو مدمنين من وراه كل سنة و اكام واحد عم يموت سنويا من المخدرات بسببو ،بعرف انو الموضوع صعب عليكي بس هيدا الصح و لازم تحكمي عقلك قبل قلبك و انا و كل رفقاتي يلي بالفرع منعرف ابوكي انو هو تاجر كبير مخدرات بس ما فينا نحطو بمحلو المناسب قبل ما نقبض عليه بالجرم المشهود و نكمش معو بضاعة او اوراق او اي شي يثبت جريمتو
ديانا:مستحيل رح تعملوني طعم بس انا رح احكي انو انتو لبستوه التهمة تلبيس و انكن خطفتوني و ضغطتو علي لساعدكن
عدي: اولا انا ما خطفتك و انت بتعرفي هالحكي منيح و ما بصير تكذبي و بعدين انت عم تساعدي العدالة لتاخد مجراها يعني نحن ما منتحاسب على هالشي
كان قاعد عم يقنعني ،وقت سمعنا صوت سيارات عم تصف برا البيت
عدي: اجو رفقاتي …قومي البسي و خليكي جوا و ما تطلعي لقلك و ما بقا تفكري تهربي مني لانو كنت رح تصيري وليمة للضبع و انا بوعدك ما رح اذيكي لانو شغلي مع ابوكي ما معك …قومي يلا ..
ديانا:يعني بقوم بلبس قدامك ،اطلع لبرا بالاول
عدي:اه عفوا نسيت
الجزء العاشر:
تركني وطلع و سكر باب الغرفة و انا قمت فورا لبست تيابي ، وشقيت البرداية شوي و شفت بحدود ال 3سيارات صافة جنب بعض و نزلو منها رجال كتيرة و معن لابتوبات و اجهزة كتير ما عرفت شو هي بس بتخص المخابرات ، طلع عدي استقبلن حضنو و سلمو عليه و واحد منن بس شافو وقع على الارض لانو كان بيعرفو ميت و ما كانو مخبرينو انو جاين يشوفوه ،فاتو لجوا على البيت و انا رحت انصت على الحيط لاسمع حكين و خططن بس ما سمعت شي ابدا لانو في مطبخ فاصل بين غرفة القعدة و غرفة النوم ،رجعت على تختي و تسطحت ،دخل عدي بعد عشر دقايق و معو اكل ،
عدي:اكيد جوعانة ،وصتلك على هدول ،بس بدي تعطيني قميصك يلي لابستيه
ديانا:قميصي ..ليش ؟
عدي:لازمني هو و عقدك يلي برقبتك ،بدي ابعتن لابوكي
ديانا:هيدا العقد من امي
عدي:رح يرجعلك بس ترجعي عند اهلك …خدي هالبلوزة البسيا و برجع بعد شوي باخد القميص
ديانا:شو بدكن تعملو؟
عدي :بعدين بقلك
بدلت تيابي و دخل بعد شو اخدن و طلع و انا اكلت و نمت لتاني يوم الصبح ،و فات عدي على الغرفة و فيقني الصبح بكيركتير
عدي:انا رايح ،رح يبقى معك شاب هون
ديانا : مين هالشب ،انا بخاف ابقى مع حدا غريب
عدي:الشب من عنا من الفرع ،و للامان اقفلي الباب وراكي انا ما رح طول
راح عدي و هو كل رفقاتو بعد 4ساعات رجعو ،اول ما اجو فات فورا لعندي
عدي:قومي معي
ديانا :لوين ؟
عدي:ما حابة تحكي مع ابوكي ؟
ديانا: اي طبعا
طلعنا بسيارة انا و عدي و مازن ، بقيت السيارة تمشي فينا بحدود الساعة و نص ،لوصلنا على شارع رئيسي
مازن :رح دقلو لابوكي هلأ و نحن بعتنالو الصبح قميصك و عقدك و صار بيعرف انو في عصابة خاطفتك هلا ،انت رح تحكيه و تأكديلو هالشي و تطلبي منو ينفذ طلباتنا لانو خايفة مننا ،تمام ،فهمتي علي ؟
ديانا:و اذا ما عملت هيك ،شو رح تعملو ؟
مازن :ما رح نعمل شي بس رح نتركك بالغابة و نرجع على بيوتنا و يبقى خلي الضباع تاكلك
ديانا:……ضبعة تاكلك ،دقلو
دقتلو و اول ما رد و سمعت صوتو ،صرت ابكي و قلتلو انو انا ضعت بالغابة و في عصابة خطفتني ،و قبل ما كفي كلامي ،اخد الموبايل مني مازن
مازن:حابب بنتك ترجعلك كاملة الا شقف ؟ …..تمام …..ما بدنا كتير بدنا دفعة مرتبة من بضاعتك خلينا نبيع و نسترزق ……اديش ضايل عندك…..زودن شوي بنتك بتستاهل …..تمام و التسليم حصرا الك شخصيا ….تمام الليلة الساعة عشرة جنب البرج
سكر مازن و مشيت السيارة و رجعنا على بيت عدي
عدي:خلين يتاكدو انو الكاميرات شغالة
و نحن على طريق الرجعة ،كانو عم يحكو مع بعض شغلات بالالغاز ما فهمتا ابدا ،وصلنا و نزلنا على البيت
عدي:فوتي لجوا ،اليوم هو اخر يوم الك بهالبيت
ديانا:و اخيرا
فتت على الغرفة و صرت ابكي من الشي يلي عملتو ،ما كنت بعرف شو عم يخططو ،مرق هداك النهار ببطئ ،صارت الساعة تسعة ،فات عندي عدي و معو جاكيت و ابرة انسولين ،ضربني الابرة و لبسني الجاكيت اياه و هو عم يبكلي ازرارو
عدي:رح نطلع بالسيارة هلأ مع 3شباب ،هدول تابعين النا ،رح نروح على المنطقة يلي اتفقنا عليها مع ابوكي و هنيك بياخدو الشنتة و منسلمك الو
ديانا:و انت وين رح تكون و ابي رح تاخدوه ؟
عدي:انا رح كون موجود معك بالسيارة
ديانا:و ابي ؟
عدي:يلا رح نتاخر
طلعنا لبرا و شفت رجال كتير شي لابس تياب شرطة اجو تلاث شباب لابسين اسود من فوق لتحت و لابسين طواقي سودا بوجهن ،التفت عدي لعندن
عدي:لبسستو الدرع الواقي
….لبسناه سيدي
عدي:طيب يلا نمشي ..يا رب
طلعنا بالسيارة و قعد عدي جنبي و سيارات الباقي طلعو ورانا و راحو من جهة تانية و نحن تابعنا على طريقنا ، بعد ساعة وصلنا لمنطقة البرج يلي كانت عالية كتير و تحتا بحر ، وقفت السيارة و نزلو منا شابين و انا و عدي و الشب التالت بقينا بالسيارة و عم نراقب من ورا الازاز شو بدو يصير ،بعد شوي اجت سيارة ابي و نزلو منا شابين و معن ابي ،واحد منن حط الشنتا على السيارة و فتحا و فرجاهن البضاعة يلي بقلبا
ابو ديانا :وينا بنتي؟
نزل عدي من السيارة و راح باتجاه ابي ،اول ما شافو ابي ،رجع خطوتيتن لورا هو و مصدوم و كانو شاف شبح قدامو
ابو ديانا:انت …بعدك عايش؟
عدي:اي عايش خيبتلك امالك ما هيك ،كنت مفكر تخلص مني بهالسهولة و تزيحني من طريقك لتشتغل على راحتك ،انت ذكي بس رجالك اغبية كتير السيارة لازم تنفجر وقت بكون صاحبا بقلبا ما لما بفتح باب السيارة
ابو ديانا :بنتي معك ؟ انت يلي خطفتا حتى تنتقم مني ؟
عدي:اي معي بس ما خطفتا ،ضاعت بالغابة و هربت من جماعتك يلي كانو لاحقينا ليقتلوها ،و لجأت الي لانو انا كنت متخفي و عم اتعالج من الحروق يلي سببتلي اياهن ،كان فيني احرقلك قلبك عليها و عذبا و اضربا و احرقا بس هي ما ذنبا ، انت كنت رح تقتل بنتك
الجزء الحادي عشر
ابو ديانا:لاا انا ما عرفت انو هي بنتي الا بعد يومين لفهمت بالضبط من رفقاتا وين كانو مخيمين و ربطت الاحداث و بعدا بعتت جماعة ليجيبوها و يحموها …وينا؟
عدي:ليكا هون بالسيارة
ابو ديانا: عرفت اني ….
عدي:بنتك صارت بتعرف كل شي و صارت تعرف تعرف مين هو ابوها هلأ
التفت على سيارتنا و اشرلو بايدو للشب يلي كان قاعد جنبي بانو ينزلني ،نزلت و ركضت لعند ابي ،لفينا بعض و صرنا نبكي ،بعدين اجت الشرطة و اعتقلت ابي و حطوه بالسيارة ،و انا وقت شفتو بكيت اكتر لانو حسيت حالي بانو انا يلي ساعدتن بكمشتو ، بعد ما اخدوه و راحو ،اجا عدي و قلن للشبين ياخدوني و يوصلوني على البيت ،و انا طلعت فيه لعدي من فوق لتحت بقرف و طلعت معن رجعت على بيتي بعد غياب اسبوعين بس ،شفت امي يلي كانت دايبة على نصا و قاعدة على اعصابا لانو ابي قلها انو ديانا مخطوفة و العصابة يلي خطفتا بدن مصاري ليرجعو و ما جاب سيرة المخدرات ، حكتلا لامي عن شغلة ابي يلي كان واهمنا انو بيشتغل بالتياب المستوردة و هو كان يدخل المخدرات على البلد بحجة التياب المستوردة ، بعد 3 ايام من رجعتي اتصلت برفيقتي نور و قلتلها تجي عندي لافهم منا شو صار بهداك اليوم و خبرتني انو (لبنى هي اقترحت انو يرجعو لمحل التخييم و نتشارط عليكي اذا بتعرفي طريق الرجعة الا لا بس ما توقعنا ضيعي و رجعنا دورنا عليكي بس ما لقيناكي و صرنا نبكي و نصرخ على لبنى و وقت رجعنا عالبلد فورا خبرنا اهلك و قال انو هنا رح يتصرفو ولله نحن ما النا دخل كلو من لبنى هي يلي اقترحت هالشي ،لبنى بتكرهك و بتغار منك كتير )،اتصلت برفيقتي لبنى و علقت معا و قطعت علاقتي فيا ، بقينا متابعين قضية ابي و وقفنالو محامي دفاع بس كان كل شي ضدو ،الفيديوهات يلي صورت كمية المخدرات و اعترافو و اعتقالو بالجرم المشهود عقد الامور كتير و بعد شهرين القاضي نطق الحكم بالاعدام بتهمة ترويج و تجارة مخدرات و شروع بالقتل لعنصر من الامن ،انهرت انا و امي كتير وقت سمعنا الحكم و سالنا المحامي اذا بيقدر يطعن بالحكم و يتخفف حكمو ،خبرنا المحامي انو بيقدر يطعن بالحكم بس ما بيضمن يصير في اي تغيير بالحكم الا اذا طرأ شي جديد لصالحو ،رحت على مركز الامن و سالت عن غرفة عدي يلي رجع لشغلو بعد الحادثة ،كان قلبي عم يدق بسرعة انا و فايتة لعندو ،كان قاعد ورا مكتبو و شكلو متغير كتير للوهلة الاولى ما عرفتو لو ما شفت اسمو على المكتب
ديانا:مرحبا
عدي:ديانا
قام وقف هو و متفاجأ بشوفتي
عدي:تفضلي ارتاحي
ديانا :عدي انا جاي لاطلب منك طلب
عدي:بعرف شو بدك تطلبي
ديانا:منيح قصرت علي طريق من الذل
عدي: ولله ، هيك سميتيه هلأ
ديانا:انا بعرف انو ابي غلط و الصح انو يتحاسب و لا تنسى انا ساعدتكن و كان فيني خبر ابي وقت خلتوني احكي معو انو هيدا كمين من الشرطة
عدي:امم عم تضربيني من نية يعني انك ساعدتي العدالة ،انت ما كان عندك خيار تاني غير انو تعملي هيك لانو خفتي نتركك بالغابة
ديانا : لا بعرف انكن ما كنتو رح تتركوني بس بفهم من حكيك انو ما رح تساعدني و تقول انو ما هو يلي حاول يقتلك
عدي:انت نسيانة انو نحن مصورين ابوكي و اعترافو يعني ما فيني انكر ابدا
ديانا(تبكي):يعني خلص بدو يموت و ينعدم بس هو ولله كتير منيح
عدي:ابوكي منيح معك بس ضر عالم كتير و هيدا عقابو
ديانا:طب ما فيك تعمل اي شي معلش ينحبس بس ما يموت ،انا ما بقدر اخسرو انا بحاجتو كتير انا ما عندي بهالدنيا غير اهلي
عدي:طيب …لشوف شو بقدر اعمل بس يلي رح اعملو كرمالك بس، انا رح اسقط حقي عن ابوكي بس بضل الحق العام و ما بضمنلك شو بدو يكون الحكم
ديانا:طيب بتشكرك كتير انا لازم روح
عدي:اقعدي نضيفك فنجان قهوة
ديانا:غير مرة انشالله
بعد شهرين اتخفف الحكم عن ابي من الاعدام للسجن المؤبد ،و ما عاد شفت عدي ابدا ،كملت حياتي بين الجامعة و بيتي و رفقاتي و كنا نزور ابي كل فترة ،لمرة كنت بالجامعة و اجت رفيقتي نور عم تضحك
نور :عريس لبنى بالجامعة ،تعالو بسرعة….ديانا مشي ولو
ديانا:ما بدي ، لا لبنى و لا عريسا بهمني و ما بقا تجيبولي سيرتا ابدا
دانية:شو عم يعمل بالجامعة؟
نور:عم يلقي ندوة توعوية بالمدرج رقم 2عن المخدرات و اضراره ……مشو ولو نتفرج شخصية كتير ، اكتر من نص المدرج بنات
دانية:هههههه و لبنى شو رأيا ؟ و بعدين على اساس مات
نور: ما بعرف ،تعو امانة شوفو منظر لبنى و هي قاعدة بالصف الاول و عم تتفرج عليه ودبلو بعيونا و ما مصدقة انو هادا خطيبا هههههه
دانية:مشي ديانا
ديانا:ما بدي ،روحو انتو ، انا رح انطركن برا
فاتو رفقاتي و انا وقفت برا المدرج و كنت حابة المح خطيب لبنى بس من بعيد حتى ما تنتبه لبنى انو مهتمة كتير بالموضوع ،بعد نص ساعة بلش الناس يطلعو من المدرج و طلعت نور و دانية و اجو ركض لعندي و هن حاطين راسن ببعض و عم يحكو و يضحكو
نور:هلا بدو يطلع بتشارطو انو لبنى بدا تلحقو هههههه
دانية:ليكو ليكو
ديانا:وينو …
نور:هادا يلي لابس جاكيت اسود جلد
ديانا:…عدي
…
الجزء الثاني عشر:
اطلعو فيني رفقاتي و انا كنت عم اطلع فيه
نور:وليه شو عرفك باسمو
دانية:ديانا …وليه ..من وين بتعرفيه
كنت عم اطلع فيه و انا مصدومة بانو عدي هو خطيب البنت يلي انا صرت بكرها كتير بعد ما عملت فيني هيك ، كان واقف مع لبنى عم يحكو و انا كنت واقفة بارضي و نار عم تشعل فيني وزاد كرهي ل لبنى اضعاف ،رفع راسو و لمحني واقفة عم اطلع فيه ،اول ما انتبهت انو شافني ،درت وجهي فورا
الحزء الثاني عشر :
نور:عم يطلع لعنا ….وليه ديانا ردي من وين بتعرفيه عم يطلع فيكي
ديانا:ما بعرفو كتير و ما شفتو الا مرة الا مرتين بمحكمة ابي
دانية :جاين لعنا نور
ديانا :جاين عنا !!!!!
نور: لبنى بدا تعرفو علينا
ديانا :انا رايحة سلام
تركت رفقاتي و طلعت امشي بسرعة ، سمعت صوتو عم يناديلي
عدي :ديانا ….لحظة شوي
ديانا:اهلين عدي مبروك الخطبة
عدي:ههههههه الله يبارك فيكي بس ما خطبت لسا ،اختي هيفا رجعت لحالا طلبت لبنى ، انا هلأ عرفت انو هي رفيقتك يلي حكيتلي عنها
ديانا :اممم الدنيا صغيرة بس لبنى ما بقا رفيقتي
عدي:ليش ؟
ديانا :قصة طويلة ارجع لخطيبتك انا بدي امشي
عدي: لحظة شوي اصلا كيف هربت منا ما بعرف ،توقعت اليوم شوفك لانو كنت عم اعطي ندوة بكليتك بس ما توقعت شوف لبنى و تدبقني هالدبقة ،ممكن نشرب قهوة سوا ؟
ديانا :لا انا بدي روح
عدي:شبك عم تتهربي مني ،بعدك حاقدة علي بخصوص ابوكي
ديانا :لا تقبلت الموضوع عن اذنك
تركتو و مشيت انا و عم ابكي لوصلت على البيت ،طلعت نمت فورا لاجت امي و فيقتني وقلتلي شبك ما بالعادة بتنامي و ليش عيونك منفخين ،حكتلا كل شي صار معي بالجامعة و شو حسيت وقت شفتو لعدي مع لبنى
ام ديانا :يعني بتحبيه ؟
ديانا :اي بس مستحيل تزبط ،ليش هيك حظي ما بحياتا بتكمل معي
ام ديانا:طب ليش ما سالتيه شو بدو منك ؟
ديانا :لانو ما حبيت اخد و اعطي معو و انا بعرف انو علاقتنا مستحيلة
ام ديانا :ليش مستحيلة اذا اجا حكى فيكي و طلبك
ديانا :…..انت عم تقولي هيك و ابي يلي مرمي بالحبس بسببو
ام ديانا :ابوكي بالحبس بسبب افعالو ما بسبب حدا تاني ،بهدلنا قدام الناس و جاب سمعتنا بالارض و ما حسب حساب عيلتو و شو ممكن يصير فينا و بالاخير اخد عقابو و انت شو ذنبك لتتعاقبي معو
ديانا : شو قصدك ؟
ام ديانا :قصدي اذا رجع حكاكي عدي ما طفشيه متل هالمرة بجوز نيتو صافية و اكيد نيتو صافية و انا ولله بعزو من غير ما اعرفو ،اقعدك عندو اسبوعين و دار بالو عليكي و ما حاول يأذيكي و امنلك دواكي بعد ما كنت مقطوعة منو ،لولاه كنت هلا ميتة بعيد الشر عن قلبك ،انا لازم اتشكرو ، كيف بقدر اتواصل معو ؟
ديانا :ما بعرف بس بعرف مكتبو
ام ديانا :طيب خلص انا بعرف كيف ،ايه يعني ما صار شي رسمي لسا بينو و بين لبنى التافهة ؟
ديانا :حسب ما فهمت منو لا بس رجعت طلبتا اختو
ام ديانا :يلا انا رايحة يا دوب نلحق معناتا
ديانا:طيب و ابي اذا سمع بانو حكيتيه شو بدو يعمل ؟
ام ديانا :انا بحكيه لابوكي ما تاكلي هم هالموضوع
مر اسبوعين على قعدتي انا و امي مع بعض ،لمرة فتت عليها و هي عم تحكي على التلفون
ام ديانا :اهلا و سهلا فيكن ،اي تمام على العشا سلم على هيفا كتير ،الله معك ابني
ديانا :مع مين عم تحكي ؟
قامت امي من عن الكنباية هي و عم تضحك و تفرك بايديها
ام ديانا :يا دوب نلحق قبل ما يجو ما في وقت كتير
ديانا :مين جاي ؟
ام ديانا:جاي عدي و اختو يتعشو عنا الليلة
ديانا :امي …..جد عم تحكي ….كيف ….شو قلتيلو …لتكون عرضتيني عليه …يا الله منك
ام ديانا :لك لا وليه هبولة ….حكيتو و تشكرتو بس و خبرتو اديش ديانا حمدت و شكرت فيك و حكتلو عن لبنى شوي و شو عملت فيكي بهداك اليوم بس هيك يعني ،قومي شوفي شو بدك تلبسي …انا فايتة على المطبخ
رحت على غرفتي و انا حاسة قلبي بدو يطلع من محلو من كتر فرحتي و ما صدقت ايمت يجي المسا لشوف عدي ،كان كل يوم عن يوم عم يحلى ،اجا هو و اختو و صهرو عنا ،بعد ما تعشينا قلتلي خديه لعدي يغسل ايديه
عدي:طالعة حلوة كتير اليوم
ديانا :تسلم عيونك الحلوين و انت كتير متغير عن قبل يعني قصدي حليان ….موبايلك عم يرن
طلع بالرقم و تلبك
ديانا:مين ؟
عدي:لبنى ….اتصلت اختي و اعتذرت منن من يومين و من يومين لهلا و هي عم دقلي
ديانا :خلص ما ترد عليا بكرا بتمل
رجعنا على الصالون و انا فتت اعمل قهوة و اختو طلبت ايدي من امي ،و مشيت السهرة على خير بس تاني يوم رن موبايل امي
ام ديانا :ايه …..نحن… عيب عليكي تحكي هيك ….لا منخطف عرسان و لاشي هو شاف بنتك و ما عجبتو و ما بقا بدو اياها و اتصلت المخلوقة و اعتذرت منكن ………ييه ييه بنتي ما لفيت على حدا و انا لهلا محترمتك و ما غلطت فيكي بكفي شو اجانا مشاكل من ورا بنتك ……طيب و بيعرف انو ابوا تاجر مخدرات و ايدك و ما تعطي …..يختي اذا قدرتي فشكليها لهل الخطبة ….اه بحب بنتي و طلبا و نحن وافقنا عليه ….اممم معك حق تنزعجي عريس لقطة ….الله معك حبي
ديانا :مين ؟ اما ل لبنى ؟
ام ديانا :ايه جانين مفكرين خطفنا العريس منن ،ما تنزلي هالفترة على الجامعة ،بخاف تعملك شي هالمجنونة و انت خبري عدي يدقلا و يفهما انو ما في نصيب بيناتن ،هالمكيوة الله يسم بدنا متل ما سمتلي بدني …. ايييه خليني اتصل بهيفا جكارة فيا و قلها انو نحن موافقين …
الجزء الثالث عشر:
خطبنا و لبسنا المحابس انا وعدي و بعد اسبوع نزلت على الجامعة و شفت رفقاتي ،كنت خايفة من لبنى كتير بس عدي قلي رح الحقك فورا ،و بعد شوي شفت عدي جاي من بعيد و لبنى قطعت طريقو فورا و انا وقت شفتا رحت بسرعة لعندن و هي و ما انتبهت انو انا موجودة باخر الشارع ،رحت لعندن و سمعتا عم تقلو
لبنى:اكيد ما قلتلك
عدي:لا بعرف من الاول و انا يلي بعطيا الابرة كل يوم
ديانا:شو بدك منو ؟ليش واقفة معو ؟
لبنى: ها جيتي يا غيورة يا خطافة العرسان انت و امك ،داقت عينكن علي
عدي:احترمي حالك و امشي من هون و انا بعرفا لديانا من زمان
لبنى:ابوها تاجر مخدرات و محكوم مؤبد و معا مرض السكري و شخصيتا ضعيفة شو بدك فيها ،هيك وحدة بتتعب معا ،عندا مشاكل كتير
عدي:هاي الوحدة انا بحبا و مستعد اتعب معا و انت اطلعي من حياتنا بقا يلعن الساعة يلي اجت فيها اختي تطلبك
لبنى (تبكي ):…..انتو الاتنين لابقين لبعض
تركتنا لبنى و تابعت طريقا هي و عم تبكي
عدي:هاي البنت بتغار منك كتير ،ديري بالك منا ،لازم تتخرجي بسرعة و تطلعي من الجامعة
تابعنا طريقنا و طلعنا من الجامعة و رحنا تغدينا
ديانا:انا بكرا عندي زيارة لابي بس خجلانة و متوترة
عدي:اممم روحي بس ليش متوترة
ديانا:لانو اول مرة بروح لعندو انا و مخطوبة و بايدي المحبس و هو بيعرف انو انا مخطوبة الك ،ما بعرف شو بدو يقلي
عدي:ما رح يقلك شي بالعكس رح ينبسط انو بنتو رح تتزوج و يامن عليها ….افتحي تمك …كلي هاللقمة مني …..المهم ايمت بدنا نتزوج ؟
ديانا :هههههه شبك مستعجل.. لسا من اسبوع خطبنا
عدي:هههه اي ولله مستعجل كتير و بدنا نقضي اول اسبوع ببيت الغابة
ديانا:لا دخيلك ،هديك الايام كلها رعب و خوف
عدي:يعني ما كنت مبسوطة بالاسبوعين يلي قعدين معي ؟
ديانا :اي كنت مبسوطة و خايفة بنفس الوقت
عدي :اي خلص منرجع منعيد ذكريات حلوة بس بدون خوف و قلق …ديانا بدي قلك شغلة بس بدي تسامحيني و تعذريني بالاول
ديانا :مسامحتك
عدي :انا كان عندي سيارة وقت كنت بالغابة بس كنت مخبيها بورق الشجر بعيد شوي عن البيت و كان فيني وصلك لاقرب محل و امنك مع شي حدا و الصيدلية و السوبر ماركت كان فين هواتف و كان في اشارة قوية عندن بس انا كذبت عليكي بهالموضوع كمانو شعلة اخيرة انا شفت الشرطة عم تسال عنك وقت رحت اشتريلك يلي قلتيلي عليه بس انا ما قدرت فرجيهن حالي لانو خفت يعرفوني
ديانا:ليش عملت هيك؟
عدي:لانو حسيت الله بعتلي اياكي من غامض علمو لتكسري وحدتي و عزلتي و ما كان بدي تطلعي من عندي فورا ،كنت مبسوط فيكي ،و كنت عم حس بشعور اول مرة بحسو و وقت عرفت انو انت بنتو بقيت متمسك فيكي لاوصل لهدفي بس بكل الاحوال انا لازم اتشكر رفيقتك لبنى انو تركتك و راحت ههههههه
ديانا :يا ويلي ما اخبثك يا عدي
عدي:ههههه
تزوجنا انا و عدي بعد فترة خطبة 4شهور و اول ماتزوجنا طلعنا على بيت الغابة نقضي اسبوع فيه ،طلعت من الحمام و فتت على غرفة النوم و اتا واقفة سمعت صوت شابين عم يحكو من ورا الشباك
الاول:نحن لازم نلاقيها ،انشالله ما تكون ماتت ، بس متاكد انو هي ضاعت هون ؟
التاني :اي متأكد
الاول:شو اسما ؟
التاني:اسما ديانا
انا سمعت اسمي و ركضت على غرفة القعدة لعند عدي انا و خايفة
ديانا :عدي عدي في ناس عم يسالو عني بدن اياني
عدي:عنك ؟طولي بالك
اندق الباب ،انا ركضت و رفعت السجادة و نزلت على القبو فورا و راح فتح عدي الباب
الاول:مرحبا نحن جاين رحلة تخييم لهون و رفيقتنا ضيعت كلبتا ،شفتولنا اياها شي ؟
عدي: كلبة !! لا ابدا
التاني:طيب اذا شفتا او اجت لعنكن يا ريت تجيبولنا اياها نحن مخيمين بعيد عن هون شي 500متر ،الكلبة برقبتا عقد باسم ديانا
عدي:اي تكرمو ،الله معكن ….ديانا
ديانا :راحو هههههههه
عدي : هههههه اطلعي اطلعي ولا قلك خليكي بمحلك انا نازل لعندك لفرجيكي كيف ترعبيني هالرعبة
انتهت.