لفائف البيذنجان باللبنه واكواب القرع المحشيه باللحمه المفرومه طيبه وشهيه
لفائف البيذنجان باللبنه واكواب القرع المحشيه باللحمه المفرومه طيبه وشهيه
لفائف البيذنجان باللبنه واكواب القرع المحشيه باللحمه المفرومه طيبه وشهيه
المقادير
- مقادير أكواب القرع المحشية باللحمة المفرومة
- قرع مقسوم بالنصف مقشر ومنظف
- لحمه مفروومه متبله حسب الرغبه
- راس بصل كبير مفروم شرحات
- اربع اسنان ثوم مفرومين شرحات
- كوبين مي
- ماجي فلفل اسمر و كمون معلقتين كبار زيت
- مقادير وصفه لفائف اللبنه
- 2 حبه بيذنجان مشرح رقائق طويله ورفيعه بنرش عليهم شويه ملح وبنخليهم ينزلو المي
- ست معالق كبار لبنه
- معلقتين كبار طحينه
- عصير نص ليمونه
- رشه كمون وفلفل اسود
الخطوات
بسم الله نبدا
اول اشي بنجيب القرع المقشر ومنظف من البزر وبنحشيهم باللحمه المفرومه المتبله وبعد هيك بنصفهم بصينيه الفرن وبنذوب الماجي وبنضيف الفلفل اسود والزيت والكمون بكوبين المي وبنخلطهم وبنديرهم بصينيه اكواب القرع وبنلفها بورق قصدير وبنضعهم بالفرن يستوو ساعه الا ربع عنار هاديه والف صحه وهنا
الوصفه الثانيه
الطريقه
بنقلي شرحات البيذنجان او بندهنها زيت وبنشويها بالفرن وبعد هيك بنتركهم يبردو وبهالوقت بنجهز خلطه اللبنه بوعاء بنظيف اللبنه والطحينه وعصير الليمون ورشه الفلفل والكمون وبنخلطهم منيح وبنحشيهم بشرحات البيذنجان وبنلفهم وبنصفهم بصحن التقديم وبنحطهم ساعه بالثلاجه يبردو ويتماسكو وبنقدمهم
والف صحه وهنا
تحياتي الكم جميعا رشا ام احمد بتمنا تجربو وصفاتي وتعجبكم ولا تنسو تضيفوها للمفضله
