ثلاث وصفات في دقائق (3) معكرونه بالسجق وقلوب الشوكولاته وسلطه التونه سلسله سهل وسريع 3
ثلاث وصفات في دقائق (3) معكرونه بالسجق وقلوب الشوكولاته وسلطه التونه سلسله سهل وسريع 3
ثلاث وصفات في دقائق (3) معكرونه بالسجق وقلوب الشوكولاته وسلطه التونه سلسله سهل وسريع 3
المقادير
- مقادير الوصفه الاولى (معكرونه بالسجق) باكيت مع كرونه سباغيتي
- نص كيلو سجق او نقانق
- ملح. فلفل اسود
- معلقتين صغار زيت
- سنين ثوم
- مقادير الوصفه الثانيه ( قلوب الشوكولاه )
- شوكولاته كاكاو خام
- شوكولاته بيضه
- قوالب شكل قلب
- معلقه زيت كانولا لدهن القوالب
- مقادير الوصفه الثالثه ( سلطه التونه )
- علبه كبيره تونه
- ثلاث معالق كبار طحينه
- عصير ليمونه
- ملح رشه كمون
- نص كوب ذره
- فلفل حلو مفروم ناعم
- ربع راس بصل مفروم ناعم سنين ثوم مفرومين ناعم
- شويه مي بارده لتخفيف الطحينه
الخطوات
بسم الله نبداا
طريقه المعكرونه بالسجق
اول اشي بنحضر المعكرونه وبنبلش نغز قطع السجق باعواد المعكرونه من الجهتين وبعد هيك بنسلقهم بمي مغليه عليها رشه ملح ورشه فلفل اسود ومعلقتين صغار زيت وسنين ثوم مفرومين وبس تستوي المعكرونه بنشيلها من الماء وبنضعها بصحن التقديم وبنضيفلها الصلصه حسب الرغبه صلصه البندوره او صوص البشاميل او الكاتشاف حسب مبتحبو وبتفضلو انا حبيت اعطيكو افكار وانتو ما شاء الله عليكو رح تبدعو
الوصفه التانيه ( قلوب الشوكولاته )
عحمام مائي بنذوب الشوكولاته الخام وبنضعها بقوالب قلوب المدهونين زيت وبنضعها بالفريزر اربع ساعات تتماسك وتجمد وبعد هيك بنضعها بصحن التقديم و بنزينها بالشوكولاته البيضه على شكل خطوط الي بنسيحها على حمام مائي
وبنرجعها شوي بالفريزر لتجمد الشوكولاته البيضه
بنقدر نضيفلها المكسرات المجروشه اثناء تذويب الشوكولاه حسب الرغبه
والف صحه وهنا
طريقه الوصفه الثالثه (سلطه التونه )
اول اشي بوعاء بنخفف الطحينه بالليمون وشويه مي وبنضيف الملح والكمون وبنخلطهم منيح وبعد هيك بنضيف عليهم التونه والفلفل الحلو المفروم والثوم والبصل وبنخلهم وبنضعهم بصحن التقديم ويزين بالبقدونس
والف صحه وهناا
تحياتي الكم جميعاا رشا ام احمد بتمنا من كل قلبي وصفاتي تعجبكم وتكون جديده ومفيده وتجربوها ولا تنسو تضيفوها للمفضله
وبوجه دعوه لكل الصبايا يزورو ملفي وتعجبهم جميع وصفاتي بحبكم كتير صديقتكم دوما ان شاء الله رشا ام احمد كل الاحترام والتقدير لكم مني جميعاا
