عجة الكوسا واطباق اخرى لذيذه من لب الكوسا
عجة الكوسا واطباق اخرى لذيذه من لب الكوسا
المقادير
- عجه لب الكوسا
- لب كوسا
- راس بصل مفروم ناعم
- قرن فلفل مفروم ناعم
- بفدونس مفروم
- كاستين طحين
- ملح
- فلفل اسود معلقه صغيره
- ثوم حسب الرغبه
- مقادير متبل الكوسا
- لب كوسا
- معلقتين طحينه
- معلقتين لبن رايب
- سنين ثوم
- قرن فلفل حار حسب الرغبه
- زيت زيتون
- حبة ليمون
- مقاديرالكوسا بالبصل
- لب كوسا
- راس بصل مفروم ناعم
- زيت زيتون
- ملح
- فلفل اسود حسب الرغبه
- نعنع ناشف
- بقدونس
الخطوات
بسم الله نبدا وعلى اﻻله الاتكال
حبايبي الكوسا من الاكلات اللذيذه البارده الخفيفه على المعدهوفيها نسبه كبيره من الماء تساعد على ترطيب الجسم وتمنع العطش وتحتوي على فتامين ا..ب… وعدة فيتامينات تسهل حركة القولون وتستخدم بكثره في اكلات الريجيم وفوائدها لاتعد بصراحه
اليوم رح اقدم عدة اطباق من لب الكوسا يا رب تنال اعجابكم حبيباتي كتيى من الناس بعد حفر الكوسا بكبو هذا اللب وبنسو انه نعمه من نعم الله علينا واجبنا المحافظه عليها لنيل رضى الله سبحانه
اولا…عجة الكوسا
بحضر جميع المقادير لب الكوسا المفروم ناعم والبصل والبقدونس والفلفل الاخضر والفلفل الاسود والملح وفليل من بودرة الثوم او القوم وبخلطهم مع.بعض وبضيف البيض وبحركهم كويس وببلش اضيف بالمي والطحين حتى تنتهيزالكميه واحصل على عجينه مرنه سائله شوي وبعدين بحمي الزيت بخليه وسط وببلش اصب بالمعرفه بضيف لزيت القلي زيت زيتون حتى احصل على اطيب مذاق للعجه والنار لازم تكون وسط حتى ما تنحرق العجه
الطبق الثاني متبل الكوسا
بقلب لب الكوسا بشوية زيت وبضيفلو
مي وملح وبغطيه حتى ينضج بين بصفيه من المي وبهرسه كويس بعد ما يبرد بضيفله معلقتين طحينه ومعلفينزلبن رايب وثوم مهروس وفلفل اخضر مفروم ناعم ورشة ملح لانو عليه ملح من اول ما بكثروبخلطه كويس بحطو بصحن التقديم وبزينه بالزيت والنعنع او اي شيء بتحبيه
الطبق الثالث لب الكوسا بزيت الزيتون
بفرم راس بصل ناعم او ثوم حسب الرغبه وبضيفلو زيت زيت الزيتون وبقلبو لما يصير لونه ذهبي بضيف لب الكوسا والفلفل المفروم بغطيه بحركه بيب الفتره والثانيه حتى ينضج بضيفلو الملح والفلفل.الاسود ومعلقه نعنع ناشف مطحونزورشة بقدونس وبطفيزالنار بضعو.في صحت التقديم
ملاحضه زيت الزيتون كتري شوي بعطيه مذاق رائع
الف الف صحه وهنا
وفقكم الله لما يحب ويرضى
