صاجية لحمة وخبز ع الصاج
صاجية لحمة وخبز ع الصاج
المقادير
- مساء الورد لاحلى جروب صاجية لحمة بتشهي لزوم الغدا وخبز بيتي ع الصاجة المكونات كيلو لحمة هبرة مقطعة مكعبات معلقتين سمن او دهن او زيت حسب الرغبة 3 حبات فليفلة ملونة حبة بصل مقطعة مكعبات ملح فلفل اسود بهارات مشكلة
الخطوات
بتجيبي صاج او مقلاية بتسيحي فيه سمنه او زيت ذرة حسب الرغبة مقدار معلقتين كبار
بتضيفي حبتين بصل مقطعة مكعبات وبتقلبيها منيح بتضيفي قطع اللحمة الهبرة المقطعة مكعبات وبتقلبيهم ع نار هادية وبتضيفي الملح والبهارات المشكلة وبتغطي الصاجة وبتتركيها ع نار هادية مع التقليب من حين لاخر
بتضيفي قطع الفليفلة الملونة وبتقلبي بهدووء لحتى تتذبل الفليفلة وبتقلبي وبترجعي تغطيها لحد ما تتنشف نوعا ما
اما خبز الصاج
هو ٣كاسات طحين
معلقة ملح
معلقة خميرة كبيرة
معلقة سكر
ومعلقتين زيت ذرة
بتعجنيهم كلهم بمي دافية وبتخلي العجينة شو طرية مو لايصة ..وبتتركيها لحت تختمر
بتحطي الصاجة على عين البوتغاز ولما تحمى بتبلشي ترقي قطع العجين كل رغيف لوحدة
بترقيهم بايدك وبتعملي ثقوب فيهم وبتحطي كل رغيف لوحدة ع الصاجة
وبس يحمر من تحت بتقلبيه
وصحة وهنا
#صاجية وخبز ع الصاجة ام نضال
